By Gogga Kleuterskool Speelskool, ’n Afrikaanse kleuterskool in Moreleta Park, Pretoria, strek leer veel verder as net die klaskamer. Deur ’n gebalanseerde kombinasie van akademie, sport, kultuur en weeklikse aktiwiteite bied ons die kleuters die geleentheid om te leer, ontdek, beweeg, skep en groei. Ons fokus op kleuterontwikkeling en skoolgereedheid in ’n veilige, stimulerende en liefdevolle omgewing.
MiniMusiek
MiniMusiek – 1 keer ‘n week vir alle maats (Babas tot Gr. RR) ingesluit by skoolgelde.
MiniMusiek word as ‘n buitemuurse aktiwiteit een maal per week (per kind) in groepsverband aangebied by kleuterskole, laerskole se Graad R-sentrums, asook in die gemak van ouers se huise in en om Pretoria.
Die doel is om by elke kind ‘n liefde vir musiek te kweek, terwyl hulle speel-speel leer hoe om met ‘n verskeidenheid slaginstrumente te werk. Hul leer ook liedjies en versies, en hulle dans en speel.
Basiese musiekkonsepte word stelselmatig, eenvoudig en geleidelik aan elke kind bekend gestel en deurlopend aangeleer, sodat hulle dit teen die einde van die jaar sal verstaan en kan toepas.
MiniMusiek is opwindende musieklessies wat as ‘n buitemuurse aktiwiteit een maal per week by Gogga Kleuterskool Speelskool aangebied word.
Ons fokus op:
Polsslag of geen polsslag
Mars en wals
Ritme
Tempo (vinnig/stadig)
Toonhoogte (hoog/laag en spronge/trapsgewys)
Dinamiek (hard/sag)
Stemming (vrolik/treurig)
Klankkleur (snaarinstrumente, blaasinstrumente, slaginstrumente, klawerborde)
Vorm (kontras AB en ABA)
Artikulasie (staccato en legato)
Kinderkinetika – 1 Keer ‘n week vir alle maats (Babas tot Gr. RR) ingesluit by skoolgelde. Elke kind kry ook ‘n addisionele Kinderkinetika-verslag 2 keer ‘n jaar.
Kinderkinetika is ’n beroep wat wetenskaplik-gefundeerde fisieke aktiwiteit gebruik om die neuromotoriese en grootmotoriese ontwikkeling van kinders tussen 0 en 13 jaar te bevorder. Dit fokus op die optimalisering van bewegingsvaardighede deur stimulasie, korreksie en rehabilitasie om ’n kind se algehele welstand, kognitiewe ontwikkeling en gesondheid te verbeter.
Gogga Kleuterskool kombineer die CAPS-kurrikulum asook die AON-kurrikulum. Waar moontlik werk ons ook ander kurrikulums se oulike aktiwiteite by ons voorbereiding in.
By Gogga bied ons ook ekstra aktiwiteite aan wat elke kleinding se kreatiwiteit, selfvertroue en ontwikkeling verder stimuleer.
Hierdie aktiwiteite is opsioneel en beskikbaar teen ’n addisionele koste.
706 Jacques Straat, Moreleta Park, Pretoria-Oos, 0044
navrae@goggaspeelskool.co.za
0662315154
Created By Kooy Atelier Proudly powered by WordPress